Ospital d'Amours - Pc Transcription

Ospital d'Amours

Pc - Paris, Bibliothèque nationale, fr.1131

(1272 lines)

Back to Table of Contents
1
1
2
3
4
5
6
7
8
 Asses joyeux sans lestre trop
En la conduite de desir
Le jour de lan sourvins a cop
En assemblee de plaisir
Ou je vis a mon beau loysir
Le tresor donneur desployer
Comme en ung passe desplaisir
Et en lieu a temps employer
 [fol.146r]
2
9
10
11
12
13
14
15
16
 Ce noble lieu estoit fourny
De tout fors de mal et de deul
Lassemblement estoit uny
Chacun y sembloit a son veul
Je y fus plus lie que je ne seul
Car je vys donneur la monjoye
Qui est rabaiz de tout orgueul
Et mon tout ce que jay de joye
 [fol. 146v]
3
17
18
19
20
21
22
23
24
 Illeuc estoit le droit tresor
De dames et demoyselles
Riens ny failloit de bout encor
Tout estoit plain dommes et delles
La veoit on danses nouvelles
Gracieusetes sans vanter
Si oyoit des dieux soit quelles
La doulce noyse de chanter
4
25
26
27
28
29
30
31
32
 La fus des dames bien vegnie
Et comme se je le vausisse
Me requirent par amictie
Que vne chanson dire voulsisse
De quoy voulentiers mescondisse
Sexcusance y peust estre belle
Maiz il convint que je obeisse
Si en dys une telle quelle