Folio 9v

Marote:
                     Lasse, caitive!
[fol. 9v] Commme ele revient dolereuse!

Robins:
Mais esgar comme ele est croteuse!

Marote:
Et comment tiens tu chele beste?
Ele a son cul devers le teste.

Robins:
Ne puet caloir; che fu de haste
Quant je le pris. Marote, or taste

Gautiers:
Gautier, com vous estes vilains!

Robins:
Marote, tenés le en vos mains,
Mais wardés bien qu'el ne vous morde.

Marote:
Non ferai, car ele est trop orde;
Mais laissié le aler pasturer.

Huars:
Sés tu de quoi je voeil parler,
Robin? Se tu aimes autant
Marion, com tu fais sanlant,
Sachez je le te loëroie
A prendre, si Gautiers l'otroie.

Gautiers:
Il m'est bel et je l'otroie.
Je le veill bien pren le donc.

Robin:

Gautiers:
Oïl, nus ne t'en fera tort.

Marote:
Hé, Robin! Que tu m'estrains fort!
Ne sés tu faire belement?
C'est grans merveille qu'il ne prent
De ches deus gens Perrete envie.

Perrete:
Cui? Moi? Je n'en ai nul en vie
Que jamais eüst de moi cure.

Huars:
Si aroit, voire, par aventure.

Perrete:
A cui?

Huart:
             A moi ou a Gautier.

Gautiers:
Voire, sire, pour vo musete?

Huars:
Si ai au mains ronchi traiant,
Bon harnas charrete et carue,
Et si sui sires de no rue.
S'ai houche et sercot, tout d'un drap,
Et s'a me mere .i. bon hanap
Et une rente c'on li doit
Qui m'escherra s'elle moroit,
De grain seur .i. molin a vent,
Et une vake qui nous rent
Le jour assés lait et froumage.
N'a il en moi bon mariage?
[fol. 10] Dites, Perrete?