Jeu de Robin et Marion: Folio 4

	Folio 4
	Robins: Oïl, par l'ame me mere. [fol. 4] Resgarde comme il me siet: Avant et arriere, Bele, avant et arriere. Marote:
	Robin, par l'ame ten pere, Car nous fai le tour dou chief. Robins: Marot, par l'ame me mere, J'en venrai mout bien a chief. I fait on tel chiere, Bele, i fait on tel chiere? Marote:
	Robin, par l'ame ten pere, Car me fai le tour du bras. Robins: Marot, par l'ame me mere, Tout arasinc con tu vaurras. Est chou la maniere, Bele, est chou la maniere? Marote:
	Robin, par l'ame ton pere, Sés tu fere le touret? Robin: Ouil, par l'ame ma mere, Ra il en moi biau vallet Devant et derriere, Bele, devant et derriere.